電腦節效應 外置硬碟價插水 From:http://www.pcmarket.com.hk/main/bgw/view/1733

2011-02-14 15:30


電腦節本周舉行，LCD顯示器及Notebook有平貨已成慣例，相信今年「筍貨黑馬」還有外置硬碟。適逢硬碟價格下滑，外置硬碟亦難逃減價命運，究竟場中外置硬碟有幾便宜？今期筆者就帶大家睇吓。

2.5吋外置硬碟：跌幅最大
外置硬碟，聽個名都知流動便攜優先，所以2.5吋外置硬碟有大量捧場客。不過，適逢硬碟價格下滑，加上一些品牌推出超廉價產品，令近期外置硬碟價格普遍都有下跌情況。正如以往性價比最高的320GB，現在價格回落至約$1/GB，但睇真啲原來500GB價格已由$500跌至$400以下有交易，計落$0.8就買到1GB，而640GB容量平均都係$0.85/GB，所以今年買硬碟記得買500GB以上容量。此外，如果想讀寫速度有更高效率，不妨考慮USB 3.0規格型號，同樣500GB容量的話，平均會比USB 2.0貴約$100，假如你的系統已內建USB 3.0，都值得考慮一下。

3.5吋外置硬碟：價格企硬
要講跌價，相信近期3.5吋硬碟1TB賣低至$400無人不知，但相反3.5吋外置硬碟價格仍未有大改動。以1TB為例，除咗Buffalo新年後減價至$490外，其他品牌普遍都要$500以上，計落每GB成本約$0.55，價格與內置硬碟似乎有一段距離。至於1.5TB價格，同樣以Buffalo最為便宜，僅售$615，比其他品牌平幾十蚊，但即使以$699計算，售價亦只需$0.46/GB，所以性價比會比1TB型號略高。與此同時，3.5吋外置硬碟都有提供USB 3.0規格，而價格比USB 2.0貴約$150。